鴻陞小食

营业中

休息中

今晚去左九龙城食泰国餐。话说已经好耐冇去九龙城食泰国野，于是去翻之前成日去既鸿升食。一入去，即刻叫左我最钟意既黄咖喱猪肉同埋蒜蓉包。老板依然咁亲切，服务态度唔错。黄咖喱同蒜蓉包呢个组合真系无敌。好钟意佢个黄咖喱，浓郁，够味，足料。见到黄咖喱入边有蛋花，我谂应该系因为蛋花既香味而整到黄咖喱好香。黄咖喱沟埋蒜蓉包，蒜茸味同咖喱既椰香沟埋一齐，好幸福！太邪恶啦！钟意呢度既咖喱，因为够香之余，好正宗。呢个系我去曼谷食到既味道。之后叫左个椰青。椰青大大粒，好香而且好甜，仲有厚厚既椰肉，好夏天feel呀！其实饮饮完椰青再食埋椰肉已经好饱，30蚊既椰青真系物超所值！下次一定再黎食！