道鮨日本料理 (已結業)

XO仔将下周出远门，学妹因要托师兄做速递员，周二晚就请食细佬最爱o既寿司，仲专登订定位去试间新开只有两周o既「道鮨日本料理」。寿司屋位于铜锣湾一幢食厦内，地点方便又易揾。店子门前先有一块鲜红色o既布帘。穿过红布即见三级流水石池，格调十分幽雅，配上四周木造o既屏风、天花、椅桌，和风味浓。行上石池前方o既梯间前，右手边先经过一间厢房，原来当晚已有熟客订咗。店子中央为两位师傅o既大舞台。开放式寿司吧位透明度极高。如果小情人想甜蜜地望住对方进食，可选拍窗o既二人散枱。入面内厅仲有多张二至多人合拼式散座，人多黎开P应该都可以转埋做房。店员不但服务周到贴身，而且仲好亲切健谈。闲谈间得知开瓶费暂设为$200一樽，大小同价，绝对可以接受。新店晚市现阶段只有「厨师发办」，所选之鱼材全为即日空运到港，价钱亦会因应当晚有咩货返而定，每位HK$1,000 – HK$ 1,300左右，不过如食客要求到，订座时或埋位前讲明自己个预算，师傅都可以尽量配合。倾咗冇耐，晚餐迅即由前菜「鲭鱼伴菠菜拼蟹膏海带萝卜件」揭序。前菜之鲭鱼伴菠菜：鲭鱼本身鲜浓，垫底o既菠菜翠绿嫩口，点埋个秘汁食则分外甜润。前菜之蟹膏海带萝卜件：后