岩盤牛扒 ミディアムレア ステーキ (博文街) (已結業)

愈黎愈多铁板牛扒既餐厅，尼间分店开业冇耐，lunch time好多人黎食。主打肉眼、牛柳，及西冷，仲可以加$25有set，4选3个配搭。先落order俾钱，拎‘嘟嘟机’，后入座。叫左牛柳300g配洋葱油(价钱$0.33/g)，重量会有少少出入，睇师傅手势切多/少左俾你。亦会放个磅出黎，俾你睇到几重。师傅将牛柳煎成3成熟就上铁板。一大件肉送上，外层带d焦脆，内层仲系红色，冇过熟呀good。肉汁劲多，一切流哂出黎。而且非常厚身，如果唔钟意太生，可以趁铁板仲热，就切开煎下。另外，有柚子酱可以醮，令肉更清新。肉唔‘鞋’，而且因为系牛柳部位，所以瘦肉比例占多，一d都唔腻。但如果钟意半肥瘦，拣西冷就岩。重点系，冇用好多油去煎，所以铁板见唔到出油情况，good。跟set配左沙律，面豉汤，汽水。沙律配有芝麻酱，开胃。而面豉汤用昆布煮，有几块系汤入面，食完咁大块牛，饮啖中和一下。整体，牛柳生熟程度拿捏得好好，肉汁多而且味浓，大食既人又可以叫大份d。最重要冇加一，食到好牛肉，抵食。不过，系自助形式，食完记住自己放番好个托盘。