影片
更多
2012-06-17
2 浏览
我唔会话呢间啲拉面唔好食，但我觉得我都食过几十年拉面，我都有权去比意见。 话说我今晚同朋友去达磨，我朋友带我去，我都未听过有呢间面馆，见到门口我好雀跃㗎！ 入到去，细细间，我直觉会觉得呢间面馆唔会衰得去边。 我叫一个酱油猪骨汤拉面，请注意，系酱油猪骨汤拉面。 我一向食面我会好注意个汤底，我食拉面最钟意酱油汤，因为我食得咸。 我又明白猪骨汤加酱油，酱油味会唔出，尤其系真材实料嘅骨汤，但系，酱油深色，加落啲白汤到点都会深色少少。 个面一上枱，先饮啖汤，咦！只有骨味，无酱油味，个汤白雪雪。我叫妹妹过来，问佢系咪整错？如果你话整错左，我会当无事，食左就算！ 妹妹同厨房讲，转头话翻比我听，话酱油已经放左落去，因为骨汤较浓，可能唔觉。 OK！合理解释，咁我摷下底捞下碗面，再饮下个汤…… 喂！真系无酱油味㖞！我又同妹妹讲，真系无酱油味㖞！ 个妹妹听到我咁讲，比左一个好惊嘅样比我，然后又走左去厨房度讲两句，跟住无理我。 我一路食，佢地个豚肉，老实讲真系唔错，入口即溶。 食食下，听到厨房有把声传出嚟：「唔够豉油，加啲色，比支老抽你好唔好？」 当时我无反应，想一想，我又同妹妹讲：「你厨房阿姐咁燥食左火药呀
话说我今晚同朋友去达磨，我朋友带我去，我都未听过有呢间面馆，见到门口我好雀跃㗎！
入到去，细细间，我直觉会觉得呢间面馆唔会衰得去边。
我叫一个酱油猪骨汤拉面，请注意，系酱油猪骨汤拉面。
我一向食面我会好注意个汤底，我食拉面最钟意酱油汤，因为我食得咸。
我又明白猪骨汤加酱油，酱油味会唔出，尤其系真材实料嘅骨汤，但系，酱油深色，加落啲白汤到点都会深色少少。
个面一上枱，先饮啖汤，咦！只有骨味，无酱油味，个汤白雪雪。我叫妹妹过来，问佢系咪整错？如果你话整错左，我会当无事，食左就算！
妹妹同厨房讲，转头话翻比我听，话酱油已经放左落去，因为骨汤较浓，可能唔觉。
OK！合理解释，咁我摷下底捞下碗面，再饮下个汤……
喂！真系无酱油味㖞！我又同妹妹讲，真系无酱油味㖞！
个妹妹听到我咁讲，比左一个好惊嘅样比我，然后又走左去厨房度讲两句，跟住无理我。
我一路食，佢地个豚肉，老实讲真系唔错，入口即溶。
食食下，听到厨房有把声传出嚟：「唔够豉油，加啲色，比支老抽你好唔好？」
当时我无反应，想一想，我又同妹妹讲：「你厨房阿姐咁燥食左火药呀？」
妹妹又无反应，行左去。
我无即时起围，我过后谂番我有少少蚀章，应该即场拍佢枱。
我指明系无豉油味，唔系颜色问题，你无加酱油落去无色又无味，你剩系话颜色唔够加老抽，你好明显侮辱紧我智慧。
唔够色，我唔识疴笃屎落去加色咩？
我食左几十年面，我对汤底有一定嘅执著，一点酱油味都无，你话比酱油猪骨汤底比我，我就一啲都唔服，我好后悔无当场开佢拖！
中环交易广场有间食特级酱油拉面，百几蚊碗，坚抽咁好味！物超所值！
呢间达磨，收我八十，我要加葱仲要加我十皮，我唔介意加比你，鬼叫我钟意食葱，我都比，好食嘅，我肯比！
我越谂越庆，但蚀左章，所以我做网上英雄，写出嚟，大家自行评价。
如有支持达磨的朋友或识达磨的朋友睇到呢篇文章，唔顺气或想平反，随时候教！
我返到屋企，唔记得阿妈煲左粥同炒面，食完，条气顺晒！
达磨拉面，厨房里面个阿姐，我会记住你句说话，山水有相逢！
张贴