影片
更多
2018-09-15
557 浏览
正所谓揾食艰难，师傅呢期揾食竟然食到去长沙湾 ，讲真呢一区真心陌生，完全冇头绪有乜嘢好食 ，唯有四围逛四围行，希望好彩入到一间似样嘅食店啦!行行下突然间比呢间食店深深咁样吸引著，点解咁吸引师傅呢? 莫非有水著侍应? 非也非也! 原因系呢间食店个环境系一间好怀旧嘅茶餐厅或冰室咁样，今时今日香港地呢啲食店已经买少见少，师傅见机不可失，唔理三七廿一，即刻推门入去。入到去都几多人，加上中午放食饭时间，人流都唔少，好彩一支公好易有位，坐低后就拿拿声睇下有乜选择，讲真呢啲怀旧嘅食店，第一都唔系注重喺食物度，系食个风味，最后师傅决定柯打简简单单嘅茄汁烩猪扒饭，加一杯冻柠茶。等就真系唔使等好耐就有得食，不过系等嘅过程中，师傅见到呢间食店嘅面包不断咁样出炉，唔知系菠萝包定蛋挞啦，总言之不停咁样出炉，虽然真系唔知系唔系自家制，不过呢种感觉真系买少见少啦，系别有一番风味。说时迟那时快茄汁烩猪扒饭放咗喺师傅面前，老老实实卖相真系唔会特别吸引，话明食风味嘛，就系𠮶啲怀旧式嘅风味，茄汁上布满少少杂豆，猪扒斩件，先试过汁，讲真𠮶汁又冇乜特别出色，正正常常送饭可以，至于猪扒都唔算太薄，正常分量正常嘥屎，猪扒入口松腍，
行行下突然间比呢间食店深深咁样吸引著，点解咁吸引师傅呢? 莫非有水著侍应? 非也非也! 原因系呢间食店个环境系一间好怀旧嘅茶餐厅或冰室咁样，今时今日香港地呢啲食店已经买少见少，师傅见机不可失，唔理三七廿一，即刻推门入去。
入到去都几多人，加上中午放食饭时间，人流都唔少，好彩一支公好易有位，坐低后就拿拿声睇下有乜选择，讲真呢啲怀旧嘅食店，第一都唔系注重喺食物度，系食个风味，最后师傅决定柯打简简单单嘅茄汁烩猪扒饭，加一杯冻柠茶。
等就真系唔使等好耐就有得食，不过系等嘅过程中，师傅见到呢间食店嘅面包不断咁样出炉，唔知系菠萝包定蛋挞啦，总言之不停咁样出炉，虽然真系唔知系唔系自家制，不过呢种感觉真系买少见少啦，系别有一番风味。说时迟那时快茄汁烩猪扒饭放咗喺师傅面前，老老实实卖相真系唔会特别吸引，话明食风味嘛，就系𠮶啲怀旧式嘅风味，茄汁上布满少少杂豆，猪扒斩件，先试过汁，讲真𠮶汁又冇乜特别出色，正正常常送饭可以，至于猪扒都唔算太薄，正常分量正常嘥屎，猪扒入口松腍，不过就带少少干身，整体上算合格。至于杯冻柠茶师傅就觉得真系出息，茶底浓香，唔会觉得甜，味道洽到好处，食完个饭饮呢杯冻柠茶即刻原一种消滞嘅感觉。
总括嚟讲食物质素正常，环境摆明食怀旧风味，所以师傅比够十分，而价钱都唔算平，44蚊一碟饭仲未包嘢饮，套餐价加八蚊冻饮，五蚊热饮，埋单师傅畀咗52蚊。正常价钱正常水平，但个环境冇得输，怀旧风味确系可取，呢种违失了的感觉就好似初恋咁，唔系最好，但就好鬼回味，所以师傅有机会都会黎回味下初恋!
茄汁烩猪扒饭
148 浏览
0 赞好
0 留言
张贴
