Big Ernie's Diner (已結業)

跟太座再次展开寻觅burger之旅，今次嚟到骆克道呢间由大集团经营嘅美式餐店...有hotdog、sandwiches各款选择，但自己一于好少理，专攻burger一味...一场嚟到当然要叫招牌嘅big ernie's burger。连埋薯条及salsa要卖九十八大洋一客，再叫埋milkshake连10%都要成百五银，实在唔平...好在友善嘅菲籍侍应提醒，原来叫combo set (即milkshake加burger)只需$118，咁又值番D...先嚟vanilla milkshake，香且不过浓，口感颇顺喉，不错...哗...个burger就真系大到得人惊。D mushroom及onion多到漏晒出嚟，食得颇"轮尽"。味道只是一般，牛肉冇乜味(虽然唔算太干身)，最关键系个包完全冇烘焙过，淰pat pat，包面完全冇微脆口感，失败...太座越食越唔满意...buffalo chicken wings只算系普通嘅蜜糖鸡翼，太甜，冇甚特别；个honey mustard sauce味道颇古怪，食到太座有D想呕...有时大件头未必系好事嘅，品质最重要...睇嚟都系shake em' buns稳阵