影片
更多
2014-04-24
4497 浏览
是日要揾个好少少嘅地方，两对夫妇一齐要认真地倾D嘢，不过因为系好临时嘅决定，我都系上OpenRice撞下彩，睇下有咩好选择。之前试过失手去左D同预期差好远嘅地方，所以今次打醒12分精神去拣，因为唔系随便食餐饭，而系要认真倾D嘢，所以不容有失！好彩今次有惊喜，亦令我哋对将会实行嘅计划多D期待。餐厅地点系骆克道嘅骆克駅… 骆克駅﹖我听都未听过，虽然餐厅系我揾，位都系我订嘅，但如果唔系丈夫话我知「即系SOGO后面啰！」身为一个路痴我一定要揾好耐先揾到。平时成日行过都唔觉尼度有栋咁嘅大厦，真系孤陋寡闻。搭 车立 上去嘅时候发现原来成栋骆克駅大厦都系餐厅，而且每一间都系两层，好有特色！此时已决定下次要再嚟试下其他嘅餐厅。(集中就有这种好处，谁说同行一定如敌国呢﹖)一出 车立 就已经系OTTO了，我系最迟一个到，丈夫同朋友夫妇以及其小朋友都到齐晒了。当我未上到去𠮶时丈夫打畀我话「哗，尼间嘢好静丫…」，「好静嘅意思并不是「拍乌蝇」嘅意思，而系真系好安静，我当时觉得可能因为时间尚早者(但其实已经系夜晚8:00了) 当我真系上到去，发觉原来OTTO都算系一个几有情调嘅地方，两口子HEA下食下嘢都几唔错。
餐厅地点系骆克道嘅骆克駅… 骆克駅﹖我听都未听过，虽然餐厅系我揾，位都系我订嘅，但如果唔系丈夫话我知「即系SOGO后面啰！」身为一个路痴我一定要揾好耐先揾到。平时成日行过都唔觉尼度有栋咁嘅大厦，真系孤陋寡闻。搭 车立 上去嘅时候发现原来成栋骆克駅大厦都系餐厅，而且每一间都系两层，好有特色！此时已决定下次要再嚟试下其他嘅餐厅。(集中就有这种好处，谁说同行一定如敌国呢﹖)
一出 车立 就已经系OTTO了，我系最迟一个到，丈夫同朋友夫妇以及其小朋友都到齐晒了。当我未上到去𠮶时丈夫打畀我话「哗，尼间嘢好静丫…」，「好静嘅意思并不是「拍乌蝇」嘅意思，而系真系好安静，我当时觉得可能因为时间尚早者(但其实已经系夜晚8:00了) 当我真系上到去，发觉原来OTTO都算系一个几有情调嘅地方，两口子HEA下食下嘢都几唔错。
侍应只有两位叔叔，当我坐埋位之后其中一位侍应就拎左餐牌畀我。睇睇餐牌，餐牌内容有多道主菜，猪牛羊鸡同海鲜嘅选择都有，梗有一款岩心水， 除非… 阁下系素食者啦，素食者嘅选择可以话系冇嘅。另外睇得出菜单嘅设计系有落心思嘅，佢个套餐包括一款前菜同一款餐汤，两样都系二拣一。当日前菜嘅选择系鲜带子同前菜小拼盘(Platter)-包括Parma Ham，蟹肉沙律同埋勺草三文鱼。Platter上枱嘅方式很精致，一个长碟上面放有三个向住同一方向的汤匙，每一个汤匙都有一款小吃，齌睇已经觉得好得意；另一款前菜系薄切鲜带子，带子下面有少少带酸味嘅酱汁，伴碟就系半个对半切开嘅车厘茄。带子新鲜爽甜，酸味酱汁提鲜，令带子味道突出，食落开胃又醒神！最后先食车厘茄，清新口腔为下一道菜作好准备。之后就系餐汤，二拣一嘅选择有南瓜汤同招牌蘑菇汤。南瓜汤我无试到，不过颜色同质感睇落应该唔会唔好味，只系会有几好味咁解者。招牌蘑菇汤无令人失望，好香浓嘅蘑菇味，而且有少少咬口。佢唔系打到好杰，好汤羹嘅质感，反而系有少少稀，但稀得嚟唔系沟稀左嘅生粉水，佢系有少少蓉，可以咬到好细好细粒嘅浓味蘑菇蓉。
然后就系主菜时间。首先系安格斯肉眼扒，因为我唔食牛，无缘一试了，但食牛𠮶位食紧嘅时候都安静下来慢慢咀嚼，好唔好食应该都知道了。
跟住就系丈夫叫嘅T-bone羊扒，我都唔食小绵羊嘅，所以都系无缘一试了。而丈夫嘅评价就系煮得熟左DD。虽然系咁，但丈夫都食得津津有味，一边咀嚼一边微微点头。我就对个伴碟烧蒜头好有兴趣，佢整到成朵花咁，仲插住枝唔知咩嘢，好靓好得意。跟住试食左一粒，蒜香唔在讲，有少少酸少少甜咁几清新。
之后就系我嘅Snapper Fillet了，肉质都算嫩滑，而且好香，个皮煎到少少香同脆，外脆内软，温香软肉。个薯蓉冇咩特别嘅味道，但个质感做得唔错，好幼滑，唔系咁热同实的话，我以为食紧热嘅雪糕。其实几个口感加埋都几得意，香脆鱼肉下系嫩滑嘅鱼香最后由幼滑嘅薯蓉结束，好有层次。不过佢个餐都算大份，食完好饱。
侍应叔叔跟住就问我哋饮D咩，所以我以为无甜品，点知系上餐饮之前就嚟左甜品先，就系Panna Cotta。我唔多好奶制品，只系食左一半，但佢真系唔系好甜，不过对于钟意食甜嘅我嚟讲就唔系几够味了。但都无咩所谓，因为有得拣我都唔会食呢个甜品，佢好唔好食对我嚟讲唔重要，但转头见丈夫竟然自己食晒一个，平时尼D甜品佢系连掂都唔会掂架。最后杯茶冇咩特别，都系𠮶D茶同水啰，不过佢D水唔会有阵怪味。好多餐厅，即使系高级餐厅，好多时都系D水度失分，冻水唔过滤或者冇过滤煲热之后摊番冻以为冇人饮得出咩，有时连热水都有阵怪味先惊吓…究竟系D水无过滤定个水壶有问题定个杯污糟定系条水侯有问题呢﹖好彩尼次都无尼个问题。
题外话/补充资料：
总结，如果佢上甜品之前畀个甜品餐牌我拣下我可能会加钱食其他甜品，因为甜品对我嚟讲系第二道主菜，都好重要架。(我睇其他评语先知原来有得拣。不过我当时太饱，亦都冇问。)
餐茶方面，佢D前菜同餐点都已经做得咁精致(相比起佢嘅价钱。) 其实系茶方面都可以将个尾收得好D，唔好净系得大路选择，可以畀三两个花茶/唐茶嘅选择，比如蜜糖薄荷茶同茉莉茶咁，加钱要花茶或者唔要甜品要花茶都可以。如果系我呢，梗系两样都要啦，花茶配甜品，就当系迟左D嘅 tea time啰！满腔香味满足地落楼…成个feel都唔同晒丫！
呵呵，今次最大嘅收获系，要倾嘅嘢倾好左，下次去铜锣湾亦都唔洗再头痕去边度食喇！Yeah!
(以上食记乃用户个人意见 , 并不代表OpenRice之观点。)
张贴
