廣東名門 (青山公路-潭尾段)

营业中

休息中

其实book mark咗呢间茶楼好耐，但系实在太偏僻，所以冇打算嚟。今日仲争冇私家车添，但系突然间屋企人心血来潮话去，咁就喺上水搭车过嚟。咁喺上水搭车过嚟又唔算太耐都系半个钟头到，落咗车行过天桥都系5分钟就到啦。入到酒楼见到佢个格局，突然间谂起三圣邨𠮶间广东名门，咁我就觉得应该同一个老细啦。因为装修同𠮶边相差无几。讲返啲嘢食先，个烧鹅双拼套餐几抵食二百几蚊有烧鹅叉烧一碟炒青菜同埋一锅奶粉，个叉烧劲腍滑好有咬口肥瘦均匀。个烧鹅都唔差，仲要系烧鹅髀。整体点心够热又好食，个虾饺皮薄多汁又多虾肉够爽口。个鱿鱼须都几入味个流心奶黄包超爆汁，但系个寿桃就冇想像中咁甜偏淡。当中比较差少少嘅就系只糯米鸡啲馅料真系比较逊色咗少少。所以唔好俾佢点心纸张相呃到，可以唔叫。蛋散够松化，𠮶椰皇都几清甜，值得一试。咁样食吓，都九百几蚊埋单，系有少少贵，但大部分食物水准都值得嘅。