たまご園 (北角匯) (已結業)

之前上网见过呢间鸡蛋专门店一直想试，今日嚟到北角见到有分店就排队试下。餐厅除咗主打由冲绳直送嘅鸡蛋外，仲有多款特色饮品。我拣咗黑糖珍珠奶珠，饮落唔算好甜，珍珠都几弹牙。友人拣咗鲜果水果茶，生果多达五六款，酸酸甜甜几开胃。主食我拣咗炖牛肉蛋包饭，牛肉切好厚身大粒，炖得好腍好入味好好食。蛋包饭外层鸡蛋香滑，完美地包晒成个饭无穿无烂。饭加咗鸡肉粒同冬菇一齐整，食落味道更香更有口感。友人就拣咗海鲜蕃茄忌廉蛋包饭，海鲜以虾肉及章鱼为主，酱汁蕃茄味重唔错。最后我哋拣咗一人一个班戟，班戟整得比较松软，食落口感好绵。香桃焦糖味道比较甜，而士多啤梨味就酸酸地，两款各有特色。