影片
更多
2023-11-25
78 浏览
好姊妹为答谢我结婚当日帮手, 特意邀请我出去食返餐, 知我中意食铁板餐, book咗尖沙咀The ONE 19楼嘅「铁板烧海贺」食Teppanyaki。从门口步入铁板烧区域, 原来呢度仲返有日式omakase, 而铁板烧就设于环境较为开扬嘅区域。虽然今次未能安排坐铁板位, 不过窗边用餐区亦可欣赏到城市景兼远望维港海景, 同样满足视觉享受。全日供应「木犀套餐」HK$728/位其中可自选主食二选一, 虽然看似款式不算多, 但对于LUNCH黎讲, 绝对系食得饱。我地两个人都拣咗不同款再share, 可以品尝到每款菜式。前菜三点:前菜包含蟹籽蟹肉鳕鱼干、日式炸豆腐和熟虾醋物。鳕鱼干咸甜松脆, 蟹肉鲜甜, 蟹籽增加层次; 炸豆腐松软, 熟虾爽, 配上酸醋海带, 好开胃。紫菜蚝汁鲍鱼:鲍鱼烟韧弹牙, 易咬开, 配上浓郁甘香嘅紫菜蚝汁, 令鲍鱼鲜味更突出。伴有经师傅安全处理过嘅鲍鱼肝, 外层煎得微脆香口, 味道甘香回甘。桃味噌银鳕鱼:鲜嫩银鳕鱼, 配上白桃同埋西京面豉打成嘅酱汁, 咸甜中带清爽果香。大虾佐蟹膏酱:大虾厚肉爽口, 鲜甜又juicy, 附上蟹肉膏酱汁自行沾用调味, 令味道再提鲜。伴有脆卜
从门口步入铁板烧区域, 原来呢度仲返有日式omakase, 而铁板烧就设于环境较为开扬嘅区域。虽然今次未能安排坐铁板位, 不过窗边用餐区亦可欣赏到城市景兼远望维港海景, 同样满足视觉享受。
全日供应「木犀套餐」HK$728/位
其中可自选主食二选一, 虽然看似款式不算多, 但对于LUNCH黎讲, 绝对系食得饱。我地两个人都拣咗不同款再share, 可以品尝到每款菜式。
前菜三点:
前菜包含蟹籽蟹肉鳕鱼干、日式炸豆腐和熟虾醋物。
鳕鱼干咸甜松脆, 蟹肉鲜甜, 蟹籽增加层次; 炸豆腐松软, 熟虾爽, 配上酸醋海带, 好开胃。
紫菜蚝汁鲍鱼:
鲍鱼烟韧弹牙, 易咬开, 配上浓郁甘香嘅紫菜蚝汁, 令鲍鱼鲜味更突出。
伴有经师傅安全处理过嘅鲍鱼肝, 外层煎得微脆香口, 味道甘香回甘。
桃味噌银鳕鱼:
鲜嫩银鳕鱼, 配上白桃同埋西京面豉打成嘅酱汁, 咸甜中带清爽果香。
大虾佐蟹膏酱:
大虾厚肉爽口, 鲜甜又juicy, 附上蟹肉膏酱汁自行沾用调味, 令味道再提鲜。伴有脆卜卜多士, 伴蟹肉膏酱汁食, 配搭很不错!
鹅肝和牛:
和牛粒软腍多汁, 牛香满溢, 伴碟嘅黑松露汁令味道更为浓郁重口味, 配蒜片食, 平均了重口味同埋油腻感;
鹅肝外脆内软, 入口即溶, 配上黑醋汁, 中和鹅肝腻感。
黑松露和牛炒饭:
炒饭干身不油, 粒粒分明, 不过味道偏淡, 黑松露味不出。
鲣蚬汤乌冬:
乌冬爽滑弹牙, 鲣蚬汤清甜, 但其中一只蚬有沙。
最后送上甜品---抹茶雪糕,
饮品coffee/tea, 估唔到可选Latte同埋chocolate, 合哂我地心水。
见时间尚早, 再order咗两杯野饮慢慢闲聊,
【Fruit Berry Punch】HK$108
由多种莓类融合制成, 酸尾尾, 岩哂食到饱饱时消下滞。
【Honey Moon】HK$108
由番石榴、蜜糖、凤梨汁调制而成, 而且带有凤梨蓉, 比较杰身, 果香味十足。
张贴
