Notte (已結業)

家姐钟意食西餐，加上8月生日既佢，我梗系要请佢食生日饭啦～ Notte系楼上店，设独立房间，适合钟意宁静及私隐度既朋友，而且可远眺会展及尖沙咀一带，感觉好好Feel呢度用料非常讲究，黑松露蜜糖沾点面包，味道一流！唔系普通既白面包，而系感觉健康既甘笋提子包；另一款系丹麦式五谷面包，其实唔洗沾酱都好好味！只需要点Pasta/Main Course就可以优惠价$108加配Appetiser, 点左香煎鹅肝配多士。净系卖相已经相当吸引！香煎鹅肝散发住超香浓鹅肝味道，鹅肝上面放上甜甜洋葱，超好味呀！伴碟仲有芒果他他，好清新。主菜来了，香浓黑松露野菌意大利面，虽然唔系手工面，但用上既系意大利入口既全蛋面，同样有烟韧口感！我地仲点左个香煎慢煮冲绳阿古猪配意大利白豆。起初仲以为伴碟既系大粒版茄汁豆，原来系意大利白豆！阿古猪唔多肥膏；煎香后放上一丁点海盐令味道提升。Notte 既Tiramisu 好得，散发微微酒香，比其他餐厅既Tiramisu好味得多！