榮記茶餐室

营业中

休息中

终于嚟咗荣记食沙嗲面，听讲食完人人都赞不绝口！当晚我地到咗餐厅全场满座需要搭枱，个晚我地唔算太饿，但山长水远嚟到慈云山点都要试下呢到既名物。见到对面两位少女叫咗一人一煲好杰好杰既沙嗲面但最后食唔哂，我同男朋友就决定叫一个小菜同一个沙嗲面就够。跟小菜送既例汤饮落唔太浓味又清甜似无落味精我叫嘅蒜蓉炒油麦菜，正常水准无话好食定唔好食。主角终于嚟到！一上枱成个煲都系滚烫仲煮紧，个面仲系生面，当下望到觉得个汤唔算杰。食落花生味重，浓浓沙嗲味，极重口味。后来点知愈食愈杰，个面索哂啲汤，一路食一路觉得开始有啲滞事后得地好觉得好彩我地两个人叫一个沙嗲share，因为如果一人一个一定会食唔哂，除非你好钟意好钟意食沙嗲。其实呢个沙嗲煲既噱头好好，几得意，可以一试，但真系试一试体验下就够，下次再嚟食我地未必会再食沙嗲题外话：餐厅好细心，如果食沙嗲面怕弹污糟衫餐厅可以提供小围裙比客人。