宇治園 (已結業)

次次行海港城都行到好攰，人劲多，商场又大，好似行极都行唔完咁。想揾间餐厅食下嘢，度度都有人排队，于是见到呢间宇治园在商场的一角，独有一番宁静和悠闲的味道，便行入去稍作休息。入到去就有茶饮。（要收茶位费$10一人）我地两个人叫咗一个鹿儿岛产黑豚肉生茶面同蕨饼。（每位客人最低消费一项食物或饮品）【鹿儿岛产黑豚肉生茶面】：面系绿色嘅，黑豚肉无咩特别，肉质有少少鞋，汤底几鲜甜。（评分：5/10）【蕨饼】上台就觉得好靓，有三款唔同味嘅蕨饼同三款酱，个人认为最喜欢嘅就系绿茶味嘅，几香。D酱我就觉得太甜，我都系直接食，无点酱。口感几似糯米糍，但又偏软身。总括而言呢，间小店系几好坐嘅，蕨饼都值得一试。如果行商场行攰咗，或者系绿茶控嘅话可以去试下。