屏山跑車餐廳

营业中

休息中

难得放早，决定离开市区，去行下屏山，行行下，就俾身处古迹旁边既画面吸引到。餐厅出面咁大架跑车模型，易认之余仲好吸引眼球，好多系附近参观既学生同外国游客都忍唔住停低望下，影返张相。餐厅入面既装潢都好配合跑车既主题，墙上挂满有关跑车既相，电视亦播住有关车既节目，仲有一盏好sharp既赛车灯，几有FEEL呙！是日餐汤系南瓜汤，口感够埋软绵绵，南瓜味又香浓，十个赞餐包既热度同松化度都好好，绝无马虎。跟住小食叫左鸡翼三重奏热辣辣，香喷喷，层皮脆卜卜，仲要一次过有三种口味！蜜糖鸡翼固然系至爱，但最有惊喜既系柚子鸡翼，酸甜味适中，十分开胃再黎就系海鲜PIZZA ，净系睇相都知足料啦～有青口、虾、鱿鱼等等既材料，而饼底薄薄地，饼边卜卜脆～ 蟹肉露笋RISOTTO，系今日嘅亮点！一啖食落口，饭既软硬程度岩岩好～至爱～露笋同蟹肉既味道都好出，好夹，加埋个白汁同埋上面既碎芝士，成件事系一流，如果个胃有无限Quota既话一定会食完再叫，叫完再食呀～ 好想再试下其他食物，不过已经好饱，惟有下次放假再入黎食。