影片
更多
2017-05-23
98 浏览
同朋友睇完戏, 食晚饭就黎左呢间日本餐厅。如果唔系朋友话黎睇戏, 我都唔会黎到甘遥远嘅数码港! 数码港环境都几清幽甘, 靠海, 人唔太多。奥寿司餐厅环境都大同开扬, 座位排得唔算太密, 而且仲有卡位同寿司吧枱位。店员介绍今日新鲜运到嘅海鲜, 店员特别推介池鱼皇同象拔蚌, 一于就试试。另外问问店员今日有冇开吞拿鱼表演, 店员话早两日已经开左喇, 迟左啲呢, 因为系不定时的, 想睇就要预早问问喇。除左刺身, 仲有小食, 烧物同面饭等等, 唔会唔够饱。呢个系餐前小食, 炸虾仔好好味, 虾仔炸得香脆惹味, 连壳食完全冇问题!! 少少咸, 配酒一流!寿司有平贝, 象拔蚌同池鱼皇。平贝大大只, 好爽口。中间嘅象拔蚌好新鲜同鲜甜呀, 又爽脆!! 右边系池鱼皇, 朋友话厚切, 好肥美, 有鱼味同唔腥!!! 果然系今日啱啱运到!!!原只带子刺身上枱都几靓, 带子一样甘鲜味十足, 一啲都唔腥, 带子厚肉, 食到一丝丝嘅口感, 裙边爽脆, 睇得出带子清洁得好干净!!鲛鲽鱼刺身肉质柔软, 而且食落味道比较清, 点上柚子醋, 配埋辛味萝卜, 会更提味同令人胃口大开。天妇罗乌冬同时满足我同朋友食想天妇罗同乌冬两个
奥寿司餐厅环境都大同开扬, 座位排得唔算太密, 而且仲有卡位同寿司吧枱位。
店员介绍今日新鲜运到嘅海鲜, 店员特别推介池鱼皇同象拔蚌, 一于就试试。另外问问店员今日有冇开吞拿鱼表演, 店员话早两日已经开左喇, 迟左啲呢, 因为系不定时的, 想睇就要预早问问喇。
除左刺身, 仲有小食, 烧物同面饭等等, 唔会唔够饱。
呢个系餐前小食, 炸虾仔好好味, 虾仔炸得香脆惹味, 连壳食完全冇问题!! 少少咸, 配酒一流!
寿司有平贝, 象拔蚌同池鱼皇。平贝大大只, 好爽口。中间嘅象拔蚌好新鲜同鲜甜呀, 又爽脆!! 右边系池鱼皇, 朋友话厚切, 好肥美, 有鱼味同唔腥!!! 果然系今日啱啱运到!!!
原只带子刺身上枱都几靓, 带子一样甘鲜味十足, 一啲都唔腥, 带子厚肉, 食到一丝丝嘅口感, 裙边爽脆, 睇得出带子清洁得好干净!!
鲛鲽鱼刺身肉质柔软, 而且食落味道比较清, 点上柚子醋, 配埋辛味萝卜, 会更提味同令人胃口大开。
天妇罗乌冬同时满足我同朋友食想天妇罗同乌冬两个愿望。天妇罗刚刚炸起, 热哄哄, 虾大只而肉质饱满, 爽口弹牙鲜嫩。蕃薯同南瓜香甜可口, 天妇罗完全唔油腻, 香脆可口。乌冬烟靭, 汤底清清地, 有淡淡鲣鱼味, 配埋天妇罗都几好!!!店员服务好有礼貌, 有笑容, 常常添加热茶。如果下次再黎数码港, 都会再试试呢度其他嘅料理!!!
张贴
