Day and Nite by Master Kama (已結業)

今日要去旺角楼上舖攞D野，于是「被迫」要去旺角呢个自由行专用地区！本来谂住快快趣离开就算，点知经过呢间同旺角感觉有点「格格不入」的小店，就被佢独特的气质吸引左上去帮衬！可能只系六点几、时间尚早既关系，人唔算太多，感觉都非常舒服relax。不过当我七点几离开既时候，可能因为晚饭peak hour既关系差唔多全场满座！龙虾芝士Mac N Cheese ($208)：除左大路既芝士之外，整道菜充满左龙虾汤味既汁，龙虾肉亦比想像中多，啖啖芝士龙虾汤味同平时食到的Mac N Cheese好唔同，不过可能因为「芝士充满」既关系，整体感觉好似滞左少少，如果有两个人以上一齐share会更好！吉列牛排配忌廉咖喱捞乌冬 ($128）： 唔知点解，炸熟既吉列牛排居然做到有少少平时煎既时候medium rare既感觉，能够做到外面香脆之余裹面亦有啖啖牛既juicy味道，非常特别。忌廉 X 咖喱捞乌冬感觉非常独特，忌廉既奶味亦能中和返咖喱既辣味，即使平时唔食得辣既朋友都唔需要担心！龙虾玉子烧 ($88)： 虽然卖相同平时玉子烧差唔多，但切开时竟然见到一粒粒大大的龙虾肉，真系无谂过几十蚊既货式居然有咁既质素，性价