影片
更多
2021-05-21
790 浏览
如果你一直憧憬住一间小屋，小屋有一只大窗，探头可以见到森林，咁呢间可能系你揾紧嘅Cafe。依间新嘅咖啡店喺二月头开业，会叫安•珈琲系因为前身系安记士多，位置有啲偏僻，喺大埔林村，最快嘅去系喺大埔火车站搭64k巴士，系坑下甫落车，应该就会见到一间紫色嘅大屋。偏僻换来既好处就系环境清幽，用餐时间冇限时，而且Cafe系pet-friendly，可以带埋毛孩一齐嚟chill。Cafe好似台湾嘅Cafe，全紫色嘅墙身，最吸引就系呢只梦幻嘅窗，但成间Cafe就得底层嘅呢个吧枱位有窗。成间Cafe有两层，上面𠮶层有室内同室外天台嘅位，室外位置有太阳伞提供，地板有白大理石地砖同白米色图案地砖，下边𠮶层两张四人枱、一张二人枱同望窗既二人吧枱，装潢简约为主，白色长身，木色枱櫈，地板系黑白为主，四周有植物盆栽，感觉清新，另外底层都有室外嘅位置。餐厅主食得是日推介，当日嘅是日推介系大啡菇牛油果配酸种面包，餐厅主要提供自家制蛋糕同咖啡、手调饮品、热水果花茶，选择唔多，如果系未食嘢嚟呢度未必食得饱，但纯粹想食件cake、或者饮杯嘢、打卡绝对好适合。当日系星期日下昼四点到，唔使等位但系去到已经啱啱好full，原本坐
如果你一直憧憬住一间小屋，小屋有一只大窗，探头可以见到森林，咁呢间可能系你揾紧嘅Cafe。
依间新嘅咖啡店喺二月头开业，会叫安•珈琲系因为前身系安记士多，位置有啲偏僻，喺大埔林村，最快嘅去系喺大埔火车站搭64k巴士，系坑下甫落车，应该就会见到一间紫色嘅大屋。偏僻换来既好处就系环境清幽，用餐时间冇限时，而且Cafe系pet-friendly，可以带埋毛孩一齐嚟chill。
Cafe好似台湾嘅Cafe，全紫色嘅墙身，最吸引就系呢只梦幻嘅窗，但成间Cafe就得底层嘅呢个吧枱位有窗。成间Cafe有两层，上面𠮶层有室内同室外天台嘅位，室外位置有太阳伞提供，地板有白大理石地砖同白米色图案地砖，下边𠮶层两张四人枱、一张二人枱同望窗既二人吧枱，装潢简约为主，白色长身，木色枱櫈，地板系黑白为主，四周有植物盆栽，感觉清新，另外底层都有室外嘅位置。
餐厅主食得是日推介，当日嘅是日推介系大啡菇牛油果配酸种面包，餐厅主要提供自家制蛋糕同咖啡、手调饮品、热水果花茶，选择唔多，如果系未食嘢嚟呢度未必食得饱，但纯粹想食件cake、或者饮杯嘢、打卡绝对好适合。
当日系星期日下昼四点到，唔使等位但系去到已经啱啱好full，原本坐咗喺底层嘅一个两人位，见到窗口位嘅人走咗又未有人入嚟，就问店员可唔可以转过去，终于可以坐到呢个探窗位。
可能因为亲店关系店员都比较忙碌，但揾佢哋帮手影相佢哋都好乐意，好笑嘅系有个男店员影之前已经申报自己唔识影相，前后揾咗一个男店员同一个女店员影相，佢哋都好乐意，服务非常好。
-
1️⃣ 提拉米苏巴斯克芝士蛋糕 💰48（👅: 8/10）
提拉米苏巴斯克芝士蛋糕
$48
17 浏览
1 赞好
0 留言
提拉米苏未呀芝士蛋糕有惊喜，有啖啖咖啡香，咖啡味香浓，芝士味兼备，cream打得唔错，食落甜而不漏，tiramisu同cheesecake配搭得宜，不过份量偏小，如果未食嘢嚟食绝对唔够饱。
-
2️⃣ 伯爵茶戚风蛋糕 💰48（👅: 8/10）
伯爵茶戚风蛋糕
$48
15 浏览
1 赞好
0 留言
卖相好靓，蛋糕上面有好多食用花瓣，仲有啲开心果碎，食落花香味几重，几清香，伯爵茶味会比花香味盖过，但蛋糕食落好棉密湿润，下面嘅奶盖令到蛋糕够湿润，同蛋糕一齐食，入口creamy而且香甜，蛋糕既松软程度同甜度都恰到好处，略嫌茶香味淡。
-
3️⃣ 热情果草莓特饮 💰48（👅: 7.5/10）
热情果草莓特饮
$48
24 浏览
1 赞好
0 留言
一杯清新水果既野饮，饮落士多啤梨同橙味较出，整体偏甜，甜味似系黎自糖浆，有小小似饮杂果宾治，饮落清甜解渴，夏天饮岩哂。
-
4️⃣ Cappuccino 💰38（👅: 7.5/10）
Cappuccino
$40
23 浏览
1 赞好
0 留言
咖啡冲嘅奶都算滑，咖啡同奶嘅比例正常，唔会过酸过苦都唔会太浓。
-
🌟 依度嘅招牌应该系柠檬挞同抹茶巴斯克芝士蛋糕，不过去到𠮶时已经卖晒，但其他蛋糕质素唔错，有更多主食或咸点会更好。如果你好钟意打卡、或者系住喺大埔附近，好推介你嚟，不过记得带蚊怕水。
不过Cafe喺4月15号喺官方IG话因为私人理由，停止营业两个月直至另行通知，唔想摸门钉就留意番官方IG公布几时重开嘅消息。
Cafe附近系林村许愿树，顺路都可以去埋。
-
👅味道: 8/10
🍴环境: 8/10
💰消费: $182 (服务费: 10%) (餐厅只收现金)
🐶Pet-friendly
张贴
