緻 (已結業)

最近夜晚都钟意同女朋友去海旁行吓，知道将军澳呢头都开咗唔少嘅餐厅，而且周围嘅环境都好宁静，所以今晚就黎揾吓有啲咩好食，食完饭就喺海旁行吓～～因为真系太钟意食串烧嘅关系，竟然比我揾到呢一间致有串烧食，而且佢仲要唔同嘅串都用唔同嘅酱汁嚟烧，好有诚意啊😍😍叫咗一个特选串烧盛合，一共有九款串烧，包括一串牛舌芯、牛西冷、加拿大猪拖罗、白豚五花腩、鸡颈肉、鸡柳、鸡胸软骨、鸡腿！鸡砂肝😋😋个人比较推介猪拖罗，入口即溶嘅感觉，而且肉味好浓！仲有鸡砂肝，即系鸡肾，用咗芝麻汁烧，好爽脆😆😆另外叫咗一个味噌茄子，佢系日式版嘅烧茄子，头同尾比较硬，中间比较淋身，适合钟意唔同口感嘅朋友🤣🤣最后惊唔够饱所以叫咗一个樱花虾炒饭，呢个炒饭樱花嘅份量都唔少，仲加入左萝卜粒，炒饭粒粒分明，分量几多，食完好饱😆😆👍