一鼎‧台式火鍋 (MOSTown新港城中心(4期))

营业中

休息中

带住屋企人一齐喺马鞍山行街，无意中见到呢间一鼎茶台式茶隔篱系佢哋嘅火锅，而且睇住餐牌居然系火锅放题。老公同仔仔肚饿晒，𠮶阵时又唔知食乜好，就索性直接嚟一餐台式火锅！😄呢度环境好干净宽敞，感觉就非常适合一家大小一齐欢乐聚餐。食材配料睇落都好干净卫生，非常放心畀仔仔喺呢度用餐！价钱方面，两个钟嘅【澳洲纯和牛】放题成人价只需要 $319 一位，细路仔只需要 $189，以呢个价位就可以无限畅食，就非常之抵食！😍我和老公都好钟意食辣，叫咗【红烧火牛】同【麻痺鸭】嘅汤底。呢两款汤底都好麻辣鲜香，而且汤嘅调配都好到位，香料嘅辅助为汤头增添咗唔少风味，清香浓郁。尤其系【麻痺鸭】入面嘅鸭血一点都唔会腥，反而将鸭血嘅鲜味勾勒出嚟。【澳洲纯和牛】嘅涮肉睇落非常粉嫩，油脂分布均匀，非常之吸引。同汤底嘅搭配，油而不腻，麻辣鲜香，每一啖都刺激住你嘅味蕾。同时老公仲攞咗佢哋嘅【叹叹虾滑】同【青麻椒辣鱼皮】做配菜。配住汤头同和牛一齐食简直系人间美味！虾滑鱼皮嘅鲜香，配住两种带辣嘅汤头一齐食，越食越香！而且佢哋提供嘅饮品一点都唔逊色，【冬瓜牛乳茶】非常之清爽，仲可以解辣解腻，而佢哋嘅【百香果三重奏】饮住酸爽非常之开胃！