URBAN Cafe (彌敦道)

营业中

休息中

玩猫对于我来讲就系最治愈嘅事，见着佢哋眼仔碌碌嘅样，又为食又贪玩真系好得意。成间舖头真系超多猫，全部都好主动亲近人，证明大家平时都好爱惜佢哋。⚜️纽西兰牛肉眼扒佢嘅牛扒好大，有少少感觉系二人份量嘅感觉，今次就拣咗黑椒汁，个人就觉得有啲辣，下面仲配咗阔条面，真系超大份完全食唔完。⚜️千岛海鲜薄饼净系睇图就知佢嘅馅料好丰富，免头铺满咗好多芝士，芝士入面包住好多海鲜，啲虾都系好弹牙，正。⚜️精选特调咖啡普普通通啦，当然同咖啡店嘅系会有少少出入，不过Cafe来讲都算系唔错，可以过吓口瘾。⚜️Oreo脆脆特浓朱古力好浓郁嘅朱古力，但系又唔算系好甜，面头加咗啲Oreo嘅脆脆，饮落去会有啲口感，有嘢咬下咁。⚜️日本北海道练乳草莓芝士蛋糕配雪糕个人比较钟意食士多啤梨嘅，佢既草莓芝士蛋糕真系好香，入口浓郁嘅芝士味，再有淡淡的草莓味慢慢渗出来，另外仲配有雪糕，感觉好似食咗两个甜品咁。⚜️美式热香饼配雪糕望到热香饼就谂起m记，佢呢个热香饼系中型size，旁边配上雪糕，热香饼佢啱啱整好咗出嚟所以仲系热辣辣，夹住冻冰冰嘅雪糕，好正。