大戶屋 (已結業)

香港近年多咗亲子餐厅，但同台湾、韩国或者外国相比，其实数量都系好少，而且大部份食物质素都只是一般。大户屋虽然唔系一间有玩乐设施嘅餐厅，但high chair数量充足，而且有儿童餐同埋儿童餐俱提供，都不失为一间理想嘅带小朋友开餐嘅餐厅。打开餐牌，图文并茂，一心谂住阿囡会拣儿童餐，点知睇完一轮佢话要食荞麦面。于是我哋叫咗个又有面又有饭嘅餐share食,老公就拣咗个猪扒定食。等左大约10分钟食物就嚟啦。荞麦面同个炸鸡扒饭两样都大大份！荞麦面个汤清清地，有少少海带、芝麻、木鱼提升鲜味，啱晒小朋友食。炸鸡扒香脆好味，鸡肉颇为嫰滑，小朋友食唔点酱汁都几好味。老公个猪扒定食又系好大份，个猪扒锅上枱热辣辣，炸完嘅猪扒浸左落味噌酱𠮶度，虽然无咁香脆，但吸收晒酱汁嘅味道，送饭一流。熟成猪肉肉质柔软，肉味突出但唔会有猪肉嘅腥臭味，阿囡同老公都食到舔舔脷餐厅虽然限时个半钟交枱，但食物上得快，唔会觉得好赶，下次带小朋友出街食饭可以再次encore