影片
更多
2025-02-02
0 浏览
Yoho睇完早场出嚟试咗间新cafe几有惊喜。自家制饺子套餐价钱有啲贵，试完又觉得味道对得起个价钱嘅，饺子我哋拣咗三鲜猪肉拼粟米猪肉，沙律可拣黑醋或者芝麻酱，我哋拣咗芝麻酱，贝壳蛋糕拣咗原味同朱古力味。饺子包得好饱满，饺子皮簿馅靓，粟米猪肉饺粟米好爽甜，肉馅好多汁，好味。三鲜猪肉（韮黄+蛋花+鲜虾）我本身好中意食韮菜饺，韮黄饺就第一次试，相对韮菜韮黄比较清淡，味道一样咁香甜，但就唔怕会口臭，啱晒怕有口气嘅朋友。马德莲蛋糕（贝壳蛋糕）两款口味嘅口感都好绵密，配咖啡都好正。中意清淡嘅朋友中意蜂蜜牛油有好香牛油味，而我就中意浓厚嘅朱古力味。All day breakfast 摆盘靓靓嘅all day breakfast见到都开心，大大碟放满咗我中意嘅嘢食，一次过满足贪心又选择困难嘅我。黑松露炒蛋有黑松露味，蛋唔老，份量十足。大磨菇多汁厚肉，配炒蛋一齐食味道就更浓厚。沙律配咗黑醋汁好好胃，沙律菜有羽衣甘蓝好新鲜好爽脆。香喷喷嘅pancake味更加令人胃口大开，第一次食焦糖香蕉配Pancake，唔使加糖酱都够晒香甜，而酸酸甜甜嘅士多啤梨同蓝莓就可以平衡返焦糖嘅甜味。分别试咗巴西natural同埃
自家制饺子套餐
价钱有啲贵，试完又觉得味道对得起个价钱嘅，饺子我哋拣咗三鲜猪肉拼粟米猪肉，沙律可拣黑醋或者芝麻酱，我哋拣咗芝麻酱，贝壳蛋糕拣咗原味同朱古力味。
饺子包得好饱满，饺子皮簿馅靓，粟米猪肉饺粟米好爽甜，肉馅好多汁，好味。
三鲜猪肉（韮黄+蛋花+鲜虾）
我本身好中意食韮菜饺，韮黄饺就第一次试，相对韮菜韮黄比较清淡，味道一样咁香甜，但就唔怕会口臭，啱晒怕有口气嘅朋友。
马德莲蛋糕（贝壳蛋糕）
两款口味嘅口感都好绵密，配咖啡都好正。中意清淡嘅朋友中意蜂蜜牛油有好香牛油味，而我就中意浓厚嘅朱古力味。
All day breakfast
摆盘靓靓嘅all day breakfast见到都开心，大大碟放满咗我中意嘅嘢食，一次过满足贪心又选择困难嘅我。黑松露炒蛋有黑松露味，蛋唔老，份量十足。大磨菇多汁厚肉，配炒蛋一齐食味道就更浓厚。沙律配咗黑醋汁好好胃，沙律菜有羽衣甘蓝好新鲜好爽脆。
香喷喷嘅pancake味更加令人胃口大开，第一次食焦糖香蕉配Pancake，唔使加糖酱都够晒香甜，而酸酸甜甜嘅士多啤梨同蓝莓就可以平衡返焦糖嘅甜味。
分别试咗巴西natural同埃塞俄比亚washed咖啡，埃塞俄比亚washed好特别，味道好清新，饮落饮花茶，有阵淡香好relax。而巴西natural有阵朱古力焦糖味，味道相对浓厚啲。
有为小朋友而设嘅小梳化同小玩具，小朋友可以投入佢哋嘅家家酒世界，大人可以同朋友畅所欲言。
每枱都有精致鲜花做点缀，花花墙同天幕都适合女士们打卡。
张贴
