瀛喜日本料理 (已結業)

上星期突然兴起想食放题，荃湾区选择唔多，记起之前拎过的单张，而家做优惠价钱相宜，一家大细去食都唔会太贵，就去左食啦。坦白讲，唔系特登黎真系会唔觉眼，因为夹在一众门面光鲜的舖面中间，的确略为失色。而且仲要上二楼，第一层系另一间食肆，如果大家黎揾食，放心，你地无揾错，要行多一层既。我地一家人口味各有不同，我就钟意多选择（虽然我食黎食去都系个Ｄ，但多食物选择感觉抵Ｄ嘛）我几钟意就系呢度食物种类够多，一般放题会有的呢度都有，而且仲有推介，唔怕唔知食咩好。我系一个传统的日本放题者，其实食极都系寿司同刺身（虽然我钟意多选择，但最后结果都系个Ｄ），但呢度出乎我意料的是竟然有咁多唔同种类的寿司，而且有在外面未必食得到的款式，例如左口鱼寿司。话适合一家大细真系唔系讲笑，一般出去食只有汽水，但呢度会提供黑糖姜茶，无糖乌龙茶等，爸爸妈妈都好满意。终于轮到重头戏啦！！一睇到呢盘刺身已经两眼发青光，不只种类多，更可见排位有心思，绝不是随便夜上碟就算，可见师傅的先我要求唔低。刺身的色泽亮丽，更有贵价海胆送，新鲜但无腥味，三文鱼更肥美而不腻，再三ＥＮＣＯＲＥ都唔怕。哗哗哗！！到我最钟意的寿司啦，唔系讲笑，虽然卖相麻