Rimi Cafe (已結業)

今日同姊妹们嚟依间cafe，贪佢地方阔落，可以坐低慢慢倾心事。依间cafe全层都系佢嘅。因为我地系万圣节前几日嚟嘅，所以Lift门一打开就见到好有万圣节气氛嘅装潢，睇得出cafe好有心思。佢地嘅menu好大张，食物嘅选择唔少，饮品嘅选择就更多，花茶、沙冰、咖啡、台式饮品同特饮都有，每类都有唔少口味，系我暂时见过最多野饮拣嘅cafe。蜜糖芥末鸡翼(左)、蒜香鸡翼(右)（$63/6只)两种鸡翼都非常香口好食，比较之下我钟意蜜糖芥末鸡翼多d，个医甜甜地，好啱我口味。日式麻酱沙律($98)为咗减轻罪恶感而叫，蟹柳份量唔少，d菜都好新鲜，个份量适合两至三个人share。鲜虾蒜辣炒天使面($125)意粉煮得几好，唔会太淋，菇同虾嘅份量都几多，带有少少辣味，唔会话好油，几好食。 bbq汁烧猪肋骨配薯菜($148)见枱枱都叫，我地就决定跟风。一上嚟俾个份量吓亲，我地五个人，切完每人都分到两三条。貌相好适合打卡，而味道都唔差，唔会焗好到干，调味都唔错，几入味。不过多人叫会好d，唔怕食唔晒。