CHI Tachinomi (屯門市廣場) (已結業)

24.06.2021又嚟试新店，喺屯门巿广场CHI Tachinomi，市广场地下电器/电话店行到尽头，门口比较隐蔽，得一个小门。正门向街，职员话因为少途人，所以反而开了侧小门，向屯市广场多啲人流。店舖细细地，日式装修，分上下两层，上层有bar枱，下层有几张枱，地方虽然不大，但坐起上来也舒适。到来时可能时间尚早，所以比较少人，走时就差唔多坐满。一个好好招呼、好有礼貌店员哥哥介绍晚饭套餐，$158 有前菜、串烧两串、饭类同饮品，咁就可以样样试吓。冰菜沙律：脆卜卜好好味猪腩葡萄卷串烧：见到猪腩两个字，好似好肥，实际食嚟加埋葡萄，一啲都唔油腻，好有惊喜！秋葵串烧：细细条，无乜特别鳗鱼饭：鳗鱼鲜甜不错，饭份量不少，（已经叫少饭），女士应该足够。套餐可以加钱转黑啤、白啤、黑白啤、清酒或Whisky，因为本身唔饮酒，所以只系饮麦茶，无乜特别，麦味不重。虽然串烧款式不多，但三五知己坐下、饮下酒、倾下计也系一个不错嘅选择。