蘇媽.蘇媽馬來西亞茶餐室

营业中

休息中

疫情之前呢间嘢就成日都排队难揾位，今日同表妹喺荃湾广场行完街见佢有位好快就直入试下啲马来风味。我哋嗌咗，喇沙海鲜面，白咖哩杉杉，马来西亚拉茶同埋特饮龙眼冰茶然后再加多咗一份椰央多士。嘢食系有啲马来风味嘅不过就对佢啲粉面就食唔到有啲咩特别，佢嘅喇沙唔似出面咁重咖哩汁反而多洋葱呀啲同香草嘅味的汤比较稀加咗啲一罐罐辣沙甸鱼铺面做佢个海鲜汤味。食物中规中矩嘅只不过唔觉得惊喜冇𠮶种食完觉得唔够喉嘅感觉。饮品方面佢个马来西亚热拉茶就真系好好饮呀，真系好正值得推介如果得闲下午茶落嚟食返个set加埋佢个特色椰央多士就比较合适。