影片
更多
2021-02-25
204 浏览
香港到处人山人海，想系假日舒舒服食个TEA都谂到头痕~九展就系一个我假日会到既优闲地方，人少少，地方又大，坐得舒服之余仲唔会嘈到头晕最近呢度开左间超大的餐厅，唔单止环境舒适，仲系一间竉物CAFE 黎呢间位于地下的餐厅，门口位都已经非常壮濶~ 入口处除左系收银处，TAKE AWAY，仲有一个雪柜入面有好多可爱的动物蛋糕，呢D真系俾宠物食架~佢好细心咁写埋成份，以防毛孩敏感~ 好细心呢~呢间餐厅其实分开2边，一边就俾带宠物的顾客坐，而另一边只系俾客人坐两边系隔开不相通的，怕毛孩的朋友都唔使惊呀~ 我地坐呢边无宠物，但透过玻璃，可以望到小宠物的萌様同可爱的动作，都系一种好好的享受呀~餐厅环境好阔落，枱同枱之间唔会好迫简单清新的设计，配以大玻璃窗，望住出面的绿色环境，好适合放空~ 呢度仲有一间满带热带风情的房间，适合一家大小或良朋欢聚~有一个CORNER位，有哂扩音器，唔知平时夜晚系咪会有歌唱表演呢？而另一边就系专俾带宠物既朋友同样以清新的园林设计，地方同样好大呢边的枱都系靠边放，中间留有好多地方俾毛孩走动而且仲有唔少影相位俾各位主人帮宠物影靓相打咭~门口更设有栏栅，防止宠物出失，主人们可以安
九展就系一个我假日会到既优闲地方，人少少，地方又大，坐得舒服之余仲唔会嘈到头晕
最近呢度开左间超大的餐厅，唔单止环境舒适，仲系一间竉物CAFE 黎
呢间位于地下的餐厅，门口位都已经非常壮濶~ 入口处除左系收银处，TAKE AWAY，仲有一个雪柜
入面有好多可爱的动物蛋糕，呢D真系俾宠物食架~佢好细心咁写埋成份，以防毛孩敏感~ 好细心呢~
呢间餐厅其实分开2边，一边就俾带宠物的顾客坐，而另一边只系俾客人坐两边系隔开不相通的，怕毛孩的朋友都唔使惊呀~
我地坐呢边无宠物，但透过玻璃，可以望到小宠物的萌様同可爱的动作，都系一种好好的享受呀~
餐厅环境好阔落，枱同枱之间唔会好迫
简单清新的设计，配以大玻璃窗，望住出面的绿色环境，好适合放空~
呢度仲有一间满带热带风情的房间，适合一家大小或良朋欢聚~
有一个CORNER位，有哂扩音器，唔知平时夜晚系咪会有歌唱表演呢？
而另一边就系专俾带宠物既朋友同样以清新的园林设计，地方同样好大
呢边的枱都系靠边放，中间留有好多地方俾毛孩走动而且仲有唔少影相位俾各位主人帮宠物影靓相打咭~
门口更设有栏栅，防止宠物出失，主人们可以安心系度同朋友倾计啦~
呢度既LUNCH SET 由上午11:00 去到下午5点呀，正(温馨提示：带宠物个边有另一个餐牌，价钱不一样唷~)
有女生最爱的Fruity smoothies bowls 同沙律餐呀
仲有阿女最爱的 ALL DAY BREAKFAST~~HAHA
LUNCH SET 由65蚊起，包一杯饮品餐厅以东南亚FUSION 菜为主，种类繁多，有泰式，有西式，有日式~
我就叫左一个西式配马拉的FUSION 菜，安格斯牛肉片喇沙汤面
安格斯牛肉片比平时既牛肉片滑好多，而且亦唔肥牛咁多肥膏，瘦得黎又唔韧
喇沙汤底只系非常轻微辣，而且有好浓郁的椰香味
面条系正宗的黄面，烟韧有口感
跟餐其实包一杯饮品，而特饮的话就全部半价我叫左呢个派对白桃乌龙茶，成壶上，感觉很HIGH TEA 呀~
不过整体感觉偏淡，茶味唔够浓， 玫瑰花香比白桃味更出 ~ 重口味的我觉得争DD ~
不过食完D喇汤再饮番杯又可以解腻同清新口腔，所以又唔算太差~
我女去到边都要叫ALL DAY BREAKFAST 一见MENU 有 ALL DAY BREAKFAST 就要点，好搞笑
呢个ALL DAY BREAKFAST 又真系好丰富比平时食开的份量都要多，净系个个蛋同面包都已经觉得好饱
阿女赞个面包好好食呀~
沙律方面都好有惊喜，因为加入左左菠萝，唔系1 , 2 粒，系好多粒
直头可以做到菠萝沙律。菠萝配埋个醋，又真系几好味呀~
呢一个要推介系呢个烟士扒佢无平时既烟肉咁肥，瘦肉多，而且又唔会烧到好干
有D似火腿既感觉，我钟意呀~
最不得了的，就系呢个特饮芒果士多啤梨乳酪沙冰
净系个样都好引呀虽然话系沙冰，但感觉似SMOOTHIES, 非常滑，好似CREAM咁滑，
直头觉得自己饮紧奶昔
但佢又无奶昔咁甜，味道好清新下，非常推介的一杯特饮，女生一定大爱呀~
张贴
