路邊攤

营业中

休息中

冇咗 $288嘅4 Options，得返6 Options $388同8 Options $588。贵啲系咪等于份量多啲，唔一定。$588云吞每人一粒，$388云吞每人有两粒。乳鸽都几多人叫，跟胶手套，不过戴晒手套食紧嘅时候，店员就走埋嚟收碟，要我用手执返几片酸萝卜好肉酸。如果唔够食可唔可以加𩠌，问咗两次，店员都唔答几钱，净系递个餐牌埋嚟问想加乜，死都唔讲几钱，亦都好坚持话，你实够饱，通常冇人会加。味精好重，系咪想令你嗌嘢饮就唔知啦。环顾四周几张枱，都冇人嗌嘢饮，选择唔吸引。当晚停咗雨，不过好潮湿，佢哋室内外相连，唔闩门，个冷气长喷吹到你头痛亦有滴水，店员系唔除鞋直接踩上凳抹水，佢哋张凳黑色，所以睇唔到脚印。大排档feel系咪等于音乐要劲大声？可能想嘈到你倾唔到偈，食饱快啲埋单走人交枱做下一轮。店员都几西，如果系sell港式大排档镬气，做乜整个ABC同你讲英文，即系唔系做我哋本地客生意啦， sorry我英文唔好，埋单连+1近700人头，附近都有其他选择，起码坐得舒服啲，同埋唔会颈渴到你头痛成晚。