樓下冰室 (已結業)

天气咁冻，要食番啲热气野，所以去揾有热汤既粉面。黎到想食个蕃茄汤，揾位过程行过见到啲咖喱又好似唔错㖞！于是两个人我地一份茄汤一份咖喱饭。蕃茄叉烧米线比想像中好，觉得都几夹，虽然本身系想食米粉，但米线比米粉粗，反而唔会畀蕃茄浸过龙。配既猪仔包就因为迟左食冻左唔系咁好味，火腿冇咩特别，炒蛋就几唔错！咖喱牛腩就系偏港式咖喱，唔太香，不过牛腩同薯仔都唔错，牛腩唔会韧呢，薯仔有炸过下。牛腩系午餐跟餐要左蕃茄汤唔要茶，汤正常稍为偏重dd口味，估系因为本身啲汤系用黎配饭面。感觉全间餐厅菜式既味道都偏丰富，钟意清淡既可能唔太岩。比较唔好系繁忙时间搭台两个人坐一边几逼下，啲台本身较细张。