日喜樓 (已結業)

难得同朋友约到时间聚会，紧系要拣间好坐既餐厅，所以我地黎左系铜锣湾既日喜楼。佢地最出名既其实系百碟宴，不过我地就得4个人，今次冇机会试啦，希望下次约到多啲人既话再试啦！日喜特调有买一送一优惠，所以我地都每人点左一杯。我拣左甘蔗花茶，味道都几清新，摆得靓靓咁都几岩打卡呢。小食点左干烧虾球配锅巴底，平时好似冇咩机会食到，酸酸甜甜配埋脆既锅巴，好开胃呢。我地每人拣左一道菜，有北京填鸭（半只），份量岩岩好够4个人食，可以点半只价钱都唔算太贵，岩哂想试下既朋友仔。上海粗炒系朋友点名要食，佢话好入味呢，我就冇咩点食。招牌水煮羊肉够哂香辣，超惹味！羊肉冇煮到太鞋都抵赞。最后点少得菜呢，我地拣左奶油娃娃菜，煮到好淋又唔会太腻。