影片
更多
2018-06-29
1531 浏览
同屋企人晚饭，三个人叫咗五样嘢。结果太多淀粉质，食唔晒~餐厅光猛，枱与枱之间都阔落，白色枱布中间有花朵图案显得高档。职员有礼快手。狮子开大口($52/件)。好大件，一人一件食完饱一半。夹包软身，五花肉咸香入味，咸菜虽然可以减低油腻感，但多到要夹走啲唔食。瑶柱蛋白炒饭($98)。炒得干身，里面有瑶柱丝，饭面又有炸瑶柱，足料。云吞鸡($168/半份)。每人份到4粒云吞，仲有半边鸡食。菜肉云吞足料，略嫌皮太多。煲完汤嘅鸡脾仲滑，但鸡胸已变鞋。鸡汤有咸香，饮完唔口渴。蒜蓉炒时菜($88)。拣咗小棠菜。酒楼炒菜一向比屋企炒嘅好食，因为够镬气，菜翠绿味清甜。小笼包($48/4个)。汤汁丰富，肉馅软绵，不过折位顶部比较干硬，扣咗唔少分。食小笼包应该拣楼下鼎泰丰。总结系，人少好难叫嘢食，餐厅价钱定位比较高，除咗小笼包其他都可以叫。
餐厅光猛，枱与枱之间都阔落，白色枱布中间有花朵图案显得高档。职员有礼快手。
狮子开大口($52/件)。好大件，一人一件食完饱一半。夹包软身，五花肉咸香入味，咸菜虽然可以减低油腻感，但多到要夹走啲唔食。
瑶柱蛋白炒饭($98)。炒得干身，里面有瑶柱丝，饭面又有炸瑶柱，足料。
云吞鸡($168/半份)。每人份到4粒云吞，仲有半边鸡食。菜肉云吞足料，略嫌皮太多。煲完汤嘅鸡脾仲滑，但鸡胸已变鞋。鸡汤有咸香，饮完唔口渴。
蒜蓉炒时菜($88)。拣咗小棠菜。酒楼炒菜一向比屋企炒嘅好食，因为够镬气，菜翠绿味清甜。
小笼包($48/4个)。汤汁丰富，肉馅软绵，不过折位顶部比较干硬，扣咗唔少分。食小笼包应该拣楼下鼎泰丰。
总结系，人少好难叫嘢食，餐厅价钱定位比较高，除咗小笼包其他都可以叫。
张贴
