泰聚 (已搬遷) 新店位置

是夜又喺屋企附近揾食，用某饮食app订晚饭六点钟嘅台有七折，早d食仲好，方便之后去跑步。呢度嘅野食份量都比较大，佢大部分台亦都系大台，比较岩大伙人黎食。我地两个叫左一小食一炒饭，都只系勉强食得哂。泰式鱼饼餐牌上写住鱼饼系餐厅自家制，果然系同平时食开嘅唔同。质感比较软身，但我钟意，即系好似手打丸同机制丸嘅分别咁，外皮炸得岩岩好，材料好丰富，食得出除左鱼肉之外仲有香茅、香叶、少量马蹄等等，味道有层次，配埋酸甜嘅酱汁比较解腻。原个菠萝炒饭真系好大份，d饭多到好似将个菠萝皮扩大左咁，饭粒炒得尚算干身，黄姜粉份量岩岩好，菠萝粒亦落得慷慨，加埋大量肉松食好滋味。加入炒饭嘅仲有鸡肉同各款海鲜(青口、虾、鱿鱼等等)。因为太饱已经食唔落甜品喇，临走大约七点就开始多人，如果星期日再黎嘅话都一定要book位。