泰太廚房

营业中

休息中

与朋友介绍吓入去大美督试吓呢间泰国菜，我已经一早订咗枱，当日星期六我6:30去到，都已经超多人，我们三大一小坐入边，冷气超劲啱晒我，因为我哋去完沙滩玩当日40度真系超热。我哋叫咗几样食物，有虾酱炒饭，有青咖喱鸡，小朋友话想食咖喱包，于是嗌多个咖喱，仲有个菜，虾饼同埋汤粉。收得咁嘅价钱份量真系俾返咁上下你，好足料，隔篱枱枱都八个十个，我哋根本食唔晒啲嘢，都要打包走，炒饭有镬气好香，青咖喱鸡都好多鸡肉，个咖喱包小朋友都食咗四件，满满蟹肉，虾饼弹牙无偷风减料，炒菜正常，唯独是个汤粉麻麻哋，太多粉啦索哂水，最后系呢个冇打包，其他都非常好味。顺带一提佢而家有1$杯龙眼冰解渴一流埋单$800合唔合理，见仁见智。