稻 (已結業)

早几日同班朋友一齐放假，行K11 Musea发现开咗间新餐厅，见佢装修几特别就入咗去试。成间舖头设计到好似洞穴咁，有少少波希米亚feel，打卡一流，放社交平台未必知系一间餐厅添。下午茶时间见唔系几肚饿，每人点咗杯嘢饮同甜品就算。呢度除咗有酒精饮品外，估唔到仲有mockail，啱晒中午唔想饮酒嘅我。杯嘢饮都几fresh，唔会太甜。仲有一个乌龙茶味panna cotta，估唔到又会咁夹，乌龙茶味好出，唔算太甜。间餐厅啲位几阔，几个女仔坐得好舒服。好似仲有两个类似VIP房，如果多人嚟就更加有私隐。我哋几个人饮吓嘢，食吓甜品咁就过咗一个下午，想消磨时间或者打卡都好合适。