家傳滬曉

营业中

休息中

同屋企人食饭，有老有嫩除咗去酒楼之外，呢间餐厅可以话系一个唔错嘅选择。嚟到呢间餐厅唔知叫咩好，套餐就满足到你，亦唔需要烦点菜嘅问题。六人餐前菜有两个冷盘，包括鸡丝粉皮同镇江淆肉仲有四起烤麸，虽然系前菜，但份量颇多。仲有一只片皮鸭， 片皮鸭外皮香脆，而且包括足够嘅粉皮同埋酱料等配菜，因为之前去过其他餐厅包片皮鸭嘅粉皮系唔足够嘅，如果另外加嘅话要加钱。呢间餐厅就冇呢个问题。呢个套餐亦包括每位一客嘅汤羹，汤羹同根里面嘅配料亦都系十分足料。糖醋松子鱼喺只有半条，松子鱼虽然唔算好大条，但份量都算合格足够，因为仲有其他嘢食。主菜仲有黑松露虾球，同埋海参黑豚肉。较为有惊喜嘅系黑松露虾球。黑松露嘅香味同虾嘅香味意外地夹，而且虾系十分大只同埋爽口。比较少见到黑松露会喺中菜中出现。呢个蟹黄娃娃菜就略嫌蟹味不足。蟹粉小笼包就一人一只，汤汁足够。最后仲有个鲍鱼炒面，所以一定够饱。