金玡居 (山頂廣場) (已結業)

是日带咗狗仔同埋BB去山顶，所以就决定去金玡居食午餐，因为佢有露天位置。我哋有book枱，所以去到唔需要等位。眼见到我哋食完后已经多人喺门口等紧，所以建议去之前book定枱。店舖装修简洁干净，服务员非常有礼貌，有问必答唔会觉得唔耐烦。食物方面我哋点左原味清炖鸡汤面配猪颈肉，花雕鸡汤面，花椒半筋半肉汤面，安格斯牛肉麻酱拌面同埋虾酱炸鸡翼。面质方面质素有所不同，譬如花雕鸡汤面嘅面煮得过火，好淋，但系花椒半筋半肉汤面嘅面则偏硬。味道方面花雕鸡汤富有酒香，好适合需要进补嘅人士。而花椒汤面亦非常之富有花椒香味，值得一赞系卤蛋，好惹味♥︎虾酱炸鸡翼火候啱啱好，不过味道就麻麻。其他食物就不过不失。饮品方面雪莲杏仁牛奶可以话系必点！✌︎整体来讲，金玡居系非常适合带狗或者带BB嘅人士，虽然食物质素有待改进，但仍然都系山顶上唔错嘅选择。