Rempah Noodles

营业中

休息中

收工同同事去附近餐厅食，最后拣咗Rempah Noodles，佢主打新加坡喇沙菜同咖央多士，呢两样食物吸引到好多人慕名而来。我地一行三人，于大概6:30pm入座，当时店内仲有唔少座位，但店员就刻意安排我地坐入一行平排嘅bar枱位，当下即时要求换座， 大佬三个人约食饭，你安排一张并列嘅bar枱位俾人客？有无考虑过三位客人点倾偈？何况当时店内又唔系无其他空位......经协商下，餐厅好快为我地安排咗另一张正常少少嘅四人座，可以2 : 1咁对住食。但第一印象嚟讲已经扣哂分。环境方面，店内空间不大，但够新净明亮，最记得系餐厅正中嘅餐桌上放咗一个大花樽，入面插咗几枝鲜花，点缀空间，非常优美。装修以白色、黑色为主调，加上好多摆设、食具都系以透明器皿为主，格调简单、鲜明，有少少似走入咗一间艺术馆进食。一句总结：环境非常适合食客打卡。食物方面，我嗌咗娘惹浓厚喇沙($98)，汤底浓郁，米线太淋，面同海鲜份量太少，性价比低；可取之处系摆盘极美，绝对系一碗适合打卡嘅新加坡喇沙。喜欢打卡嘅朋友绝对适合嚟试下，但个人嚟讲就觉得有少少华而不实，唔会再食第二次了。