Outdark (飛達商業中心)

营业中

休息中

假日嚟到旺角食韩国嘢，朋友推介呢间餐厅，所以去试试。嚟到有啲惊喜，环境如其名，灯光比较暗，但有好多星星月亮吊灯，布置好精致，即使白昼也可感受到奇幻嘅气氛。辣炒猪肉（加蔬菜篮）大大锅嘅辣炒猪肉，周边伴有芝士粟米，紫菜芝麻饭，小香肠，泡菜，非常丰富，打卡一流！猪肉切成薄片用辣调味酱搅拌后拌炒而成的料理，又称烧猪肉。猪肉非常惹味，配搭各款伴菜一齐食都非常适合。建议加蔬菜篮，因为可以有多种食法，又可解腻。蔬菜篮有生菜、蒜片、辣椒片、包饭酱。泡菜煎饼煎饼份量都唔少，香脆煎饼配上满满嘅泡菜，口感十足，简单的好味道。香肠年糕串卖相好可爱，系甜甜辣辣嘅口味，年糕口感好得意，外表焦脆，内里烟靭。饮品点咗Mojito 梳打同罐装嘅蜜桃梳打。食住甜甜辣辣重口味嘅食物，饮梳打就最啱。