Fill In (已結業)

原来黄埔开咗间西餐厅，于是约埋友人衬长假期一齐去食lunch，不过因为仲限聚紧，今次只能四人同行🙈去到餐厅，第一下已经俾个环境吸引，好宽敞的地方啊！区内附近想揾间坐到咁舒服的餐厅真系少（可能得酒店先有🤔🤔🤔）呢日仲好好天气，坐在餐厅里面日光好充足，打卡一流店员同我哋讲因为刚刚开始试业，所以暂时只系做紧set lunch 同埋set dinner, 于是我哋一伴拣一个set 试我食嘅系羊架，好食羊架外有微微炭烤香味，里面十分juicy，感受到厨师好用心处理件羊，配菜都好好味，尤其是红菜头同埋我偏爱的法边豆～打卡都arm 友人食既，一路食一路赞，搅到我都想食多个餐😂 其实我平时都有煎下银鳕鱼、鲈鱼，但真系掌握唔到点可以外脆内嫩，但呢度个鱼就真系咁嘅texture!!黑毛猪鞍都好不错，烤得刚刚好，唯一要挑剔的是唔够汁，因为件猪鞍都几大件，好快就点晒啲汁...最后一个系risotto, 是素食来得。牛肝菌味十分出，非常浓郁！份量刚刚好～跟餐可以加汤、沙律同甜品，我哋有人叫咗汤，同四份甜品（今次刚巧都是甜品控组合）汤是甘荀汤，ok的，不是十分特别，但系滑嘅。甜品就真系有惊喜，系一个非常清新嘅柚