玩具屋

营业中

休息中

放工后同朋友想食好啲，我地之前分别都食过玩具屋但冇一齐食过，突然兴起book放工去食～✨烧鸡泡鱼干 $72我系食完玩具屋嘅鸡泡鱼干之后，去亲居酒屋成日想嗌但嗌完成日中伏，唔系太干，就系完全唔香。呢度嘅鸡泡鱼干真系唔同啲☺️一上枱已经见到色泽系好靓，咬口少少似烧热左嘅猪肉干但好香鱼味，甜甜咸咸咁，点沙律酱佐酒食一流。✨月见蟹味噌甲罗烧 $168蟹盖入面放有蟹肉蟹膏，再在上面加上蛋黄，旁边有烤烘好嘅多士，好鲜味好好食～每次食呢个都觉得要幸福流泪😭✨豚肉紫苏卷 $45（忘记影相）好钟意呢个配搭！半肥瘦的豚肉充满烧肉的香味，加入味道清新独特的紫苏叶，大大减低肥腻感，食完当下想食多串lol另外仲点左鸡肉串烧、烤羊架、茶渍饭串烧味噌茄子、免治鸡肉棒同梅酒。已经食过几次玩具屋，每次都食得好开心好满足，已经推介左俾好多朋友～另外值得一提嘅系佢嘅室内布置别具心思。除左好多人打卡嘅日本卡通人物玩具外，好多细节位都见到佢好努力做到好似日本居酒屋，好适合放工黎小酌一杯。