Griddy's Waffles & Cocktails (已結業)

其实我本身就麻麻哋钟意食窝夫，不过朋友想食，就陪佢嚟试吓啦。都系睇到网上介绍先知道有呢间Griddy's Waffles & Cocktails，位于将军澳，地区对我哋来讲都几远，好彩佢算近地铁站。铺面装修都几大，加上呢度可能人流唔算多，所以我坐得多好舒服，适合同朋友慢慢倾吓计饮番杯。而家嘅窝夫真系好多花款，我哋叫咗个油酥鸭窝夫，一送到黎已经闻到好香，金黄色嘅鸭腿实在系吸引，识落都几多汁，旁边有沙律菜，所以食完都唔会觉得好油腻。另外再叫了一个烟熏西班牙黑毛猪，上菜嘅时候会有一阵烟雾出，慢慢就会闻到淡淡嘅苹果味。黑毛猪鞍好大件，肉质软稔，加埋苹果木烟熏味，识落会有种清新嘅感觉。呢度嘅饮品选择都几多，有酒精同母酒精都有提供，我哋叫咗鸡尾酒同埋朱古力嚟饮吓。喺呢度整体感觉都算唔错，舒服，冇压迫感，系可以慢慢享受嘅地方。