上岸料理 (已結業)

今日去咗尖沙咀行街，又到咗夜晚要揾好野食的晚饭时间，见到K11隔离的棉登径有几间望落都好高级的日本餐厅，被呢间门口装修好别致的上岸料理吸引咗，木趟门，就入黎试下。餐厅位置唔算太多，但好寛落，环境清静悠雅。矶煮鲍鱼，色泽鲜艳，卖相吸引，大大只鲍鱼，酱汁煮得好入味，咬落肉质好结实，好重鲍鱼味吞拿鱼腩多士，吞拿鱼的肉整得好似蓉，入口即溶，仲冻冻地，十分鲜甜，加上香脆的多士，味道好夹主角的杂锦刺身，有成8款刺身，三文鱼淋身，带子新鲜清甜，仲有红衫鱼，竹签鱼等，肉质爽口，拖罗好有惊喜，入口即充满鱼香味，鲜嫩，仲有两只大虾，弹牙新鲜海胆松叶蟹蒸蛋，海胆份量多，新鲜清甜，蒸蛋十分嫩滑，水润，火候时间掌握得刚刚好，加上蟹脚的清甜，一定要试下烧青椒仔，烧冬菇同烧粟米，青椒仔唔会好辣，带点清甜味，加上木鱼吊下味，冬菇厚身，烧得唔干身，仲多汁，粟米重牛油味，烧得好香口关东煮，有鱼腐，腐皮，魔芋，鸡蛋等，刚煮好热辣辣拎上台，汤汁十分清甜，忍唔住饮咗好多啖，鱼腐同腐皮煮咗好耐，好淋身，吸收晒汤汁既味道，食完好饱最后仲叫咗个豆腐杏仁奶冻，好重杏仁味同奶味，好滑身，底仲有少少豆腐，两只味道都有。除咗食物一流，一定要