村上居酒屋 (已結業)

上星期放工同朋友去食饭，佢钟意食日本料理但又唔食鱼生，我揾左好耐，终于揾到间系旺角嘅居酒屋岩佢，村上居酒屋系地舖，门面几大，行过实注意到。二人餐有两款，基于朋友比较细食，简左个份量少啲普通嘅二人餐。首先系蟹籽沙律，有蟹柳丝、青瓜丝同蟹籽，好清新好fresh。三款刺身分别系三文鱼、油甘鱼同帆立贝，好新鲜，鱼肉肥美，帆立贝好清甜。特色卷物系葱拖罗蓉卷，份量都几多。之后系天妇罗，有茄子、冬菇、南瓜、蕃薯，仲有差唔多成只筷子长嘅虾。本来系蒜香羊扒，但我地都唔食羊，所以转左做蒜香豚肉，煎得金黄色好香，配上芥末酱更惹味。清酒煮蚬，份量都几大，酒味唔算浓，个汤饮落有少少甜味，仲有鲜味。日式叉烧乌冬，小小一碗但食少先发现份量唔少好饱肚，汤底味道够浓，而且乌冬好弹牙好滑。甜品系樱花果冻，入面嘅樱花系真系泥至日本！食落好香樱花香，好甜。最后两杯果味特饮，分别系白桃梳打同水蜜桃梳打。连埋加一总共$528。