影片
更多
2017-02-05
5962 浏览
同几个以前做酒店嘅旧同事约食团年饭，讲讲吓原来都好耐无见，对上一次就喺旧年晌尖东「御苑皇宴」搞嘅团年饭，不经不觉又一年。适逢其会，今次再搞，有提议依间「樱之汇」，小弟都帮衬过，觉得啲嘢唔错，食素又健康啲，可惜，原本谂住6个齐晒脚，最后一行都喺好似旧年咁得5人！环境唔多讲，以前食评都描述过，简单嚟讲就喺装修简单，环境光猛，就算闲日都有7、8乘满。餐牌方面亦唔多累叙，因为跟以往嘅都喺一样，包括寿司、寿司卷、手卷、刺身、小食、沙律、天妇罗、小菜、中式粉面、糖水……等等，只喺贵咗，对比上次食评餐牌啲价，加幅都有10%之多。鲜淮山虫草花杂菌云吞翅 $92嚟一窝汤翅润润先，戒食鱼翅多年，素翅就放心食，而个汤翅嘅份量都几大，一大窝，连料每人分到两碗咁滞。个汤底OK啦，胜在料多，不过，啲素云吞麻麻哋，云吞内主要喺啲素肉，其实揾番啲素菜、木耳、笋丝包仲好。寿司拼盘（2人）12件 $88寿司拼盘分2人或4人分量，前者有12件，而后者有20件，我哋志在过吓瘾，点客2人份就可以了，有和牛寿司、鲍鱼寿司、吞拿鱼寿司、三文鱼寿司、玉子寿司、中华沙律军舰、香芒鱼生军舰、腐皮寿司、青瓜红椒小卷。整体质素好一般，啲饭搓
环境唔多讲，以前食评都描述过，简单嚟讲就喺装修简单，环境光猛，就算闲日都有7、8乘满。餐牌方面亦唔多累叙，因为跟以往嘅都喺一样，包括寿司、寿司卷、手卷、刺身、小食、沙律、天妇罗、小菜、中式粉面、糖水……等等，只喺贵咗，对比上次食评餐牌啲价，加幅都有10%之多。
鲜淮山虫草花杂菌云吞翅 $92嚟一窝汤翅润润先，戒食鱼翅多年，素翅就放心食，而个汤翅嘅份量都几大，一大窝，连料每人分到两碗咁滞。个汤底OK啦，胜在料多，不过，啲素云吞麻麻哋，云吞内主要喺啲素肉，其实揾番啲素菜、木耳、笋丝包仲好。
寿司拼盘（2人）12件 $88寿司拼盘分2人或4人分量，前者有12件，而后者有20件，我哋志在过吓瘾，点客2人份就可以了，有和牛寿司、鲍鱼寿司、吞拿鱼寿司、三文鱼寿司、玉子寿司、中华沙律军舰、香芒鱼生军舰、腐皮寿司、青瓜红椒小卷。整体质素好一般，啲饭搓得比较黏，始终唔喺真鱼生，口感有啲胶，最好食都喺件腐皮寿司。
古法松子糖醋鱼 $68鱼块都喺啲豆制品加入紫菜卷成，撇除啲外观似唔似鱼块，其实啲「鱼块」几脆口甘香，不过，个糖醋似蕃茄汁底，无乜醋嘅酸香，初时仲以为类似松子鱼，真喺有少少失望。
日式海鲜比萨 $108唔喺成底咁上，裁成一客6件，虽然话喺海鲜，其实都唔喺好食得出喺扮紧咩海鲜，反而批面有唔少菠萝、青椒、车厘茄、栗米等食材，批底做得薄身脆口，又加入唔少芝士，是晚最好食嘅菜式我投比萨一票。
日式海鲜比萨
$108
59 浏览
1 赞好
0 留言
姜蓉炒翡翠苗 $62好稳阵嘅一道炒青菜，翡翠苗炒得好爽口，渗出丝丝姜味，无论以上菜式，抑或依一道炒菜，份量真喺依然十足，无呃秤。
牛油果酱海鲜蛋白炒饭 $72虽然话席间女生占多数，但都怕大家食素食得唔够饱，所以，嗌番一客炒饭作单尾。个炒饭无咩惊喜，牛油果酱真喺食唔出，蛋白亦得好少，海鲜食落主要都喺啲素虾，幸好个饭炒得干身，饭粒够分明。
腰果露糖水 $72（窝）佢哋个腰果露非常正，所以，餐后点可以唔叫一窝共享，而一窝够晒分俾我哋5个人食。腰果露香滑顺喉，腰果味十分突出，货真价实，又相对少甜，大家都赞好。
腰果露糖水
$72
34 浏览
1 赞好
0 留言
张贴
