相馬日式火鍋 (已結業)

上星期冇假放抽唔到时间同妈咪庆祝母亲节🥹，唯有今日抽时间同佢食饭，近近地去咗屋企附近嘅呢一间相马火锅店，两母女好好地食住嘢倾吓计😆今次我哋拣咗呢个好抵食嘅套餐，有120分钟任食任饮，平日星期一都只系$278，另外再收加一服务费！不过啲食物都几高质，性价比又几高👍🏻豚骨汤〰️豚骨汤底好好味，奶白色嘅汤底未饮已经知道超级浓郁！泡菜汤〰️食唔到中华辣汤，又想辣辣地就叫咗呢个泡菜汤！日本鹿儿岛黑豚肉〰️豚肉口感真系好软腍，而且好厚肉！海鲜〰️劲多唔同嘅海鲜，我最钟意食嘅日本带子同蟹棒都有呀，带子真系大大粒又清甜！