影片
更多
2019-07-26
22 浏览
今日收工按完摩都九点几，同朋友都未食晚餐，近近地揾间茶记食下。朋友推荐呢间茶餐厅，话以前成日嚟食，讲到咁，好啦！同你嚟回味下。😂呢知钟数食饭太饱，食包又到喉唔到肺，食个常餐就岩岩好。我地一人一个常餐，都系清清地，一个雪菜米，一个炸菜通。炒蛋系呢度必食，我就嗌左肠仔炒蛋，多士加炼奶，多士新鲜软熟，而我个炒蛋意外地捞到炼奶，沟埋个蛋甜甜地又几好食。朋友就嗌左个午餐肉，同普通油多。最后，女孩子们当然要食埋个甜品先甘心啦，所以就嗌左个西多士，西多都好软熟，同埋唔会话十分油。题外话，我估唔到呢间茶记呢个钟数都多人到要等位，我谂佢都真系有好多忠粉（我朋友都系其一），同埋呢度啲阿哥阿姐都好好人，好有礼貌又有笑容，呢样都系我意料之外嘅事。
呢知钟数食饭太饱，食包又到喉唔到肺，食个常餐就岩岩好。
我地一人一个常餐，都系清清地，一个雪菜米，一个炸菜通。
炒蛋系呢度必食，我就嗌左肠仔炒蛋，多士加炼奶，多士新鲜软熟，而我个炒蛋意外地捞到炼奶，沟埋个蛋甜甜地又几好食。
朋友就嗌左个午餐肉，同普通油多。
最后，女孩子们当然要食埋个甜品先甘心啦，所以就嗌左个西多士，西多都好软熟，同埋唔会话十分油。
题外话，我估唔到呢间茶记呢个钟数都多人到要等位，我谂佢都真系有好多忠粉（我朋友都系其一），同埋呢度啲阿哥阿姐都好好人，好有礼貌又有笑容，呢样都系我意料之外嘅事。
张贴
