影片
更多
2015-01-10
8612 浏览
好耐冇见朋友仔，之前一晚先决定打边炉补祝另一朋友同我嘅12月生日。原本谂住揾辣鸡煲类，打咗两间都要21:30。呢间第一轮18:00始要21:00前交枱，话就话20:30有位但要等。友人准时到达，等嘅时候见到店方同好多客都好熟络，明明迟过我哋到嘅好似都早过我哋入哂，唔知系订嘅枱大细唔同定咩原因。不过我哋四个吱吱喳喳咁倾住偈都唔觉唔觉，最后约21:15先坐低。等𠮶阵已剔定嘢，一坐低即入单。叫咗招牌汤底“金屋藏娇”，未落材料先试味，唔系好重鸡味，但味道唔错，材料好丰富有花胶、竹笙、淮山、冬瓜、芹菜等，仲有半只鲜鸡，食落都几滑。总共叫咗13碟嘢：花雕肥牛食落好腍滑似滑牛，几重花雕味，唔点豉油较佳，点咗稍咸。西班牙猪肉唔嚡又够肉味。黑松露蟹肉饺咬落成口蟹肉又香黑松露味。 脆鲩片新鲜又爽。手打丸尤其鲮鱼好浓鱼味但冇泥味腥味。其余仲有两款饺双籽鲜虾云吞、韮菜，手打丸鲜牛、猪肉、墨鱼，冰豆腐，粟米，木耳，蒿荀片，芋丝，芝士肠，油麦菜，基本上全部材料比坊间一般店较高质。结果当然系食唔哂，但卡位座舒适阔落，服务都唔错，大家都好尽兴😄😋
叫咗招牌汤底“金屋藏娇”，未落材料先试味，唔系好重鸡味，但味道唔错，材料好丰富有花胶、竹笙、淮山、冬瓜、芹菜等，仲有半只鲜鸡，食落都几滑。
总共叫咗13碟嘢：花雕肥牛食落好腍滑似滑牛，几重花雕味，唔点豉油较佳，点咗稍咸。西班牙猪肉唔嚡又够肉味。黑松露蟹肉饺咬落成口蟹肉又香黑松露味。 脆鲩片新鲜又爽。手打丸尤其鲮鱼好浓鱼味但冇泥味腥味。其余仲有两款饺双籽鲜虾云吞、韮菜，手打丸鲜牛、猪肉、墨鱼，冰豆腐，粟米，木耳，蒿荀片，芋丝，芝士肠，油麦菜，基本上全部材料比坊间一般店较高质。结果当然系食唔哂，但卡位座舒适阔落，服务都唔错，大家都好尽兴😄😋
张贴
