酒筷子 (已結業)

今年生日，朋友揾咗一间新开嘅酒楼帮我庆祝，虽然系第一次嚟食，但系估唔到啲嘢食咁好味。几款前菜都好特别，自己最钟意嘅系九肚鱼，非常惹味。杏汁猪肺汤非常清甜，有杏仁味得来又唔会太浓。另外个花雕蟹真系要赞，我自己本身唔钟意酒味，但个蟹真系好香，啲面捞落啲汁度超正。最大惊喜嘅竟然系炒饭，真系冇食过咁好味嘅炒饭，大家有机会都要试吓。而另一个惊喜就系甜品竟然系砵仔糕，十胜红豆好好味，个砵仔糕又唔太甜，加分。总括嚟讲成餐饭都好好味，可以再encore。