溢進茶餐廳

营业中

休息中

踩单车之前要食个丰富早餐，好少过旧墟食野，尤其是去到公园呢边。听闻个薯饼好得，专登踩单车过嚟食完先出发。因为今日系长征路线，所以要食得丰富啲先至起行。咁就叫咗个沙嗲牛肉螺丝粉配太阳蛋薯饼，贪心咗啲再加埋个煎鸡扒个沙嗲牛肉值得推介有用，蒜蓉粒炒干超香。个薯饼真系冇得输又大块又脆又唔会太油，比起𠮶啲连锁快餐店真系正好多。个鸡扒虽然冇底味，但系个鸡皮好香脆，有少少食紧炸鸡髀嘅感觉。唔记得问佢攞啲茄汁吊一吊味。另外呢档茶档啲斋啡都唔错，唔会有强烈嘅苦涩味，下次要试埋佢啲下午茶。