財記海鮮火鍋活魚刺身

营业中

休息中

真系好钟意大角咀呢个地方，因为朋友住喺呢度所以成日都会走过来呢边食野。呢个地方真系好特别,有好多小店,又唔会旺区咁贵价, 好评嘅食店都会隐藏于大角咀内。财记而家打通左间铺头.地方大好多, 舒服好多。仲有可以间几间房添。坐下来，老板为我介绍汤底,推介女仔就应该黎一个滋补鱼翅花胶鸡汤。 味道唔算好浓 因为肯定没有味精。有半只鸡,一大碟排翅和花胶, 一滚起我就急不及待饮未左一啖先,味道未出, 要稍微滚多好几分钟时间D味就已经浓郁出黎喇。呢个系住家汤味道,应该所有女人都钟意啦。财记应该最出名系海鲜,因为全部都有活海鲜,仲有例牌份量, 好似两个人闺蜜咁就啱晒。打边炉 必食, 本地手切肥牛,切比较厚有口感。仲有分大 小 两个size, 我地只系叫左细碟 都食唔晒。脆鲩鱼腩，重紧要厚切! 啖啖肉鱼味好重, 好味。珊瑚蚝 好新鲜, 爽口, 咬入口会弹下弹下咁。仲有食左向玲, 皇帝菜啦。个汤底同料有咁多花胶翅同左半只鸡,我地各自饮左四碗汤, 其实未打边炉就已经饱左一半喇, 满足!呢度系属于会有老板系你隔离同你吹下水, 讲天讲下地, 小店可爱之处, 要继续支持。